Y math mwyaf cyffredin o astudio ar gyfer myfyrwyr rhyngwladol yng Nghymru

12 September 2024

Owain James

Ar ba lefel astudio y mae myfyrwyr rhyngwladol yn dod i Gymru?

Fel y mae’r graffig isod yn ei amlygu, mae myfyrwyr rhyngwladol yn cael eu cynrychioli orau ar gyrsiau ôl-raddedig amser llawn yng Nghymru. Tra bod myfyrwyr o’r DU yn y mwyafrif yn gyffredinol (sef 83% o holl fyfyrwyr Cymru), mae myfyrwyr rhyngwladol yn y mwyafrif gyda 60% ar gyrsiau ôl-raddedig amser llawn. Fel y mae’r graff yn ei ddangos, daw’r myfyrwyr rhyngwladol hyn yn bennaf o wledydd y tu allan i Ewrop.

Pam mae astudiaethau ôl-raddedig amser llawn mor boblogaidd gyda myfyrwyr o’r tu allan i’r UE o gymharu â’r categorïau eraill? Dyma rhai awgrymiadau:

Yn aml mae manteision ariannol i astudio’n lleol ar gyfer eich gradd gyntaf, yn ffurfiol drwy grantiau a chymorthdaliadau, ac yn anffurfiol drwy gymorth teuluol
Oherwydd cost uchel symud i Gymru i astudio (gan gynnwys teithiau hedfan a ffioedd dysgu uchel), daw llawer ar ôl cyfnod o weithio. Maent wedi derbyn eu gradd gyntaf yn eu gwlad wreiddiol, wedi ennill profiad diwydiant, ac yna’n dod pan fyddant mewn sefyllfa ariannol fwy sefydlog
Gall oed fod yn ffactor. Mae symud i wlad bell yn debygol o fod yn fwy brawychus i rywun 18 oed na rhywun yn eu hugeiniau neu’n hŷn
Ar gyfer gwledydd y tu allan i’r UE fel Awstralia ac UDA nid yw hyn yn broblem, ond mewn llawer o achosion mae Saesneg yn ail iaith i fyfyrwyr rhyngwladol tu allan i’r UE. Trwy ddod yn ddiweddarach yn eu hastudiaethau, mae’r myfyrwyr hyn wedi cael amser i wella eu sgiliau Saesneg i astudio trwy’r cyfrwng hwn

Er bod myfyrwyr rhyngwladol yn ganran is o fyfyrwyr israddedig amser llawn, oherwydd dyma’r categori astudio mwyaf poblogaidd yn gyffredinol, mae myfyrwyr rhyngwladol dal yn lleiafrif sylweddol. Mae mwy na 10% o’r myfyrwyr hyn yn rhyngwladol, sef cyfanswm o 8,980 o fyfyrwyr, pan gyfunir myfyrwyr yr UE a’r tu allan i’r UE.

Yn ddiddorol, mae cyfraddau’r myfyrwyr rhyngwladol sy’n ymgymryd ag astudiaethau rhan-amser (ar lefel israddedig ac ôl-raddedig) yn llawer is. Mae astudio’n rhan-amser yn gysylltiedig gyda weithio yn rhan-amser a / neu gymorth teulu – sy’n fwy tebygol o fod ar gael i fyfyrwyr rhyngwladol yn eu gwlad wreiddiol.

Fodd bynnag, mae rhai arlliwiau i’w nodi. Mae canran myfyrwyr yr UE ar draws y gwahanol gategorïau astudio yn parhau i fod yn gymharol gyson, sef tua 2-3%.

Rwy’n meddwl bod y data hwn yn awgrymu cwpl o bethau y dylai cyflogwyr eu hystyried o ran myfyrwyr rhyngwladol a’u rhinweddau:

Yn aml mae ganddyn nhw sawl gradd – maen nhw’n grŵp addysgedig iawn!
Maen nhw’n aml yn dod i astudio yn y DU ar ôl cael profiad mewndiwydiant gartref. O fy mhrofiad o ddidoli ymgeiswyr, mae’n drawiadol faint o brofiad diwydiant y gall myfyrwyr rhyngwladol ei gael o’i gymharu â myfyrwyr o’r DU sy’n gwneud cais am yr un rôl graddedig lefel mynediad

Rwyf hefyd yn meddwl bod dod i’r DU i astudio o wlad arall, ar unrhyw lefel, yn awgrymu lefel uchel o wytnwch – i ddysgu iaith, addasu i ddiwylliant, a symud i ffwrdd oddi wrth ffrindiau a theulu.

[Data gan HESA]