Tech Talent Cymru nawr ar agor i gyflogwyr yng Nghymru
19 August 2026
Owain James
Mae Tech Talent Cymru wedi lansio. Gwnewch gais nawr i ddod â graddedig sydd wedi’i hyfforddi i mewn i’ch busnes.
Mae Tech Talent Cymru yn cysylltu BBaChau yng Nghymru â graddedigion sydd wedi’u hyfforddi i’ch helpu i archwilio cyfleoedd deallusrwydd artiffisial, cryfhau eich seiberddiogelwch a throi heriau technegol yn gamau ymarferol.
Darogan a phartneriaid sy’n rhedeg Tech Talent Cymru — rhaglen leoliadau i raddedigion sydd wedi’i chynllunio i wneud cymorth technoleg arbenigol yn fwy hygyrch i fusnesau yng Nghymru.
Pam cymryd rhan?
Drwy gynnal graddedig Tech Talent Cymru, bydd eich busnes yn cael:
- Graddedig wedi’i baru â’ch busnes, gyda gradd neu brofiad perthnasol mewn Deallusrwydd Artiffisial neu Seiberddiogelwch
- Dros £3,000 tuag at gostau cyflog
- Cyflogres wedi’i hariannu a’i rheoli’n llawn ar eich rhan — dim gwaith gweinyddol ychwanegol, fel y gall eich graddedig ddechrau cyfrannu ar unwaith
- Hyfforddiant wedi’i ariannu a mentor penodedig drwy gydol y lleoliad, fel y gall y graddedig gyfrannu gwerth o’r diwrnod cyntaf
Mae graddedigion yn gweithio gyda’ch busnes mewn rôl debyg i waith ymgynghori — gan ddeall sut rydych yn gweithredu, nodi cyfleoedd neu risgiau, a’ch helpu i benderfynu pa gamau ymarferol i’w cymryd nesaf.
Mae’r rhaglen yn cynnig dau lwybr arbenigol: Deallusrwydd Artiffisial a Seiberddiogelwch.
1. Graddedig Deallusrwydd Artiffisial
Mae llawer o drafod cyffredinol am ddeallusrwydd artiffisial. Mae’r gwir werth yn dod o ddeall sut y gallai gefnogi gwaith beunyddiol eich tîm mewn gwirionedd.
Mae graddedig sy’n canolbwyntio ar ddeallusrwydd artiffisial yn treulio amser yn eich busnes, yn dysgu sut mae eich prosesau’n gweithio ac yn nodi ffyrdd ymarferol y gallai offer deallusrwydd artiffisial arbed amser, gwella llifoedd gwaith neu ryddhau capasiti.
Gall helpu gyda’r canlynol:
- Adolygu tasgau gweinyddol trwm neu ailadroddus
- Mapio llifoedd gwaith a nodi lle y gellid arbed amser
- Profi offer deallusrwydd artiffisial ar gyfer drafftio, ymchwilio, adrodd neu gyfathrebu mewnol
- Creu promptiau, templedi neu ganllawiau y gall eich tîm eu defnyddio mewn gwirionedd
- Helpu staff i ddefnyddio offer deallusrwydd artiffisial yn ddiogel, yn hyderus ac yn effeithiol
Nid cyflwyno technoleg er ei mwyn ei hun yw’r nod. Y nod yw helpu eich busnes i dorri drwy’r sŵn a dechrau defnyddio deallusrwydd artiffisial mewn ffordd sy’n gwneud synnwyr i chi.
2. Graddedig Seiberddiogelwch
Mae risgiau seiber yn aml yn cuddio yng ngolwg pawb — mae’n hawdd eu colli pan fyddwch yn brysur yn rhedeg busnes, ond gallant adael eich sefydliad, eich staff a’ch cwsmeriaid yn agored i niwed.
Mae graddedig sy’n canolbwyntio ar seiberddiogelwch yn edrych o’r newydd ar y mannau lle gallai eich busnes fod yn agored i risg ac yn nodi camau realistig i wella ei wydnwch.
Gall helpu gyda’r canlynol:
- Adolygu risgiau seiber beunyddiol a gwendidau cyffredin
- Edrych ar arferion cyfrineiriau, rheolaethau mynediad a manylion mewngofnodi a rennir
- Helpu staff i adnabod ymdrechion gwe-rwydo a negeseuon amheus
- Mapio prosesau pwysig nad ydynt wedi’u cofnodi ar hyn o bryd
- Llunio cynllun gweithredu seiber ymarferol ar gyfer eich busnes
- Meithrin hyder staff ynghylch hanfodion seiberddiogelwch
Yn hytrach na boddi eich tîm mewn iaith dechnegol, mae graddedigion yn canolbwyntio ar welliannau ymarferol sy’n dod yn rhan o’r ffordd mae eich busnes yn gweithio o ddydd i ddydd.
Barod i ddechrau?
Mae gwneud cais yn syml, a bydd ein tîm yn eich cefnogi drwy’r broses o ddod o hyd i’ch graddedig, ei baru â’ch busnes a’i gyflwyno i’r rôl.
